Vajza e çiftit Pasha që u masakrua në Itali, ka akuzuar Elona Kaleshin, ish të dashurën e vëllait të saj, si fajtore për zhdukjen e prindërve.
Sipas hetuesve Elona e mbante ‘peng’ vajzën me presione sepse dinte për një marrëdhënie të Viktoria Pashos me një burrë të martuar. Ish e dashura e djalit të çiftit Pasho, u arrestua ditën djeshme nën akuzën e vrasjes, fshehjes dhe masakrimit të trupave të dy bashkëshortëve, të cilët u gjetën të copëtuar në 4 valixhe, më 15 dhjetor.
Çifti Pasho është vrarë në shtëpinë ku ata qëndronin me qira, muajin e fundit. Aty ku edhe ata janë masakruar, janë vendosur në katër valixhet e gjetura në afërsi të burgut Solliciano. Sipas të dhënave, Shpëtim Pasho është vrarë me thikë, në kohën kur ai po flinte gjumë, prandaj në trupin e tij nuk ka shenja dhune. Ndërkohë Teuta Pasho, është rrahur për vdekje, dëshmi për këtë gjë janë hematomat dhe kockat e thyera të gruas. Dëshmi për këtë është fakti se në momentin e vrasjes çifti ka qenë i veshur me pizhama gjumi.
Pas vrasjes trupat e tyre mësohet se janë prerë me sharrë elektrike dhe janë mbështjellë me materiale të ndryshme. Gjendja e mbetjeve të dy viktimave, të cilat nuk ishin të konsumuar në një shkallë të madhe, theksojnë ekspertët mund të jenë mbajtur në frigorifer për disa kohë. Shpëtim dhe Teuta Pasho u gjetën të masakruar më 15 dhjetor në 3 valixhe, ndërkohë që një ditë më vonë u gjet e katërta me pjesët e tjera të trupave.
Vajza e çiftit Pasho, Vitorja deklaron se ish e dashura e vëllait personi i fundit që takoi prindërit.
Federico Febbo avokati i Elona Kaleshit, ka treguar se 36 vjeçarja sipas tij është tronditur nga arrestimi. Ndërkaq ai ka vendosur t’i shmangë deklaratat paraprake, dhe të njëjtën gjë sipas tij, bëri dhe Elona që të mos fliste pa u njohur me akuzën.
“Në dijeninë time, siç është praktikë në këto momente, zonja Elona Kaleshi nuk e konsideroi të bënte deklarata para magjistratit në komisariatin e policisë ku u mor pas arrestimit sepse ne besojmë se është e përshtatshme që para se të bëjmë deklarata është më e saktë që së pari të lexohet dekreti që parashikon masën”, ka thënë ai.
Ndërsa prokurorja Ornella Galeotti ka vendosur paraburgim për Elona Kaleshin, e arrestuar për vrasjen e bashkëshortëve Pasho, “për shkak se ekziston rreziku i arratisjes”.
/Gazetareforma.com/
