Kukësi duket se nuk do ta ndalojë deri sa të kthehet në skuadrën që duhet të jetë. Këtë merkato përfundimisht ka mahnitur pasi ka blerë portier nga Seria A e Italisë.
Mësohet se Safet Gjici nuk ka ndërmend të ndalojë derisa të tërheq njerëzit e duhur në skuadrën e tij dhe ta kthejë Kukësin në skuadrën e yjeve. Blerja më e re është 21-vjeçari Moris Gomis, që është pjesë e skuadrës së SPAL-it, e cila luan në Serinë A të Italisë.
Është lajmëruar se senegalezi Gomis vjen në formën e huazimit dhe do të jetë pjesë e Kukësit deri në përfundim të këtij edicioni futbollistik.
Disa ndryshime të tjera rrënjësore kanë ndodhur edhe brenda lojtarëve të fushës, prej nga në dispozicion të Armando Cungut nga java e ardhshme veç Eduard Rrocës, Vasil Shkurtajt e Faton Xhemailit, do të jenë edhe Olsi Teqja e Valdet Rama, të dy të zyrtarizuar në ditën e sotme.
Kukësi është duke u përpjekur më shumë se kurrë për t’u kthyer në një skuadër elite.
