Një tërmet i fortë me magnitudë 5.1 të shkallës Richter ka goditur Italinë mbrëmjen e sotme.
Një prej epiqendrave të tërmetit ishte në Siçili, ndërsa thellësia e goditjeve ishte 16 kilometër.
Mediat italiane kanë raportuar se deri më tani nuk ka dëme materiale apo njerëz të lënduar, ndërkohë që qytetarët e Siçilisë kanë dalë nga banesat të tmerruar për shkak të lëkundjeve të forta.
Ndërkohë luhatje ka patur edhe në Molise, një prej tërmeteve të forta me magnitudë 5.1 u regjistrua në mbrëmje në orën 20:19. Epiqendra, raporton Ingv, ishte 4 kilometra nga Montecilfone, në provincën e Campobasso, në një thellësi prej 9 kilometrash.
Qytetarët po ashtu kanë dalë të frikësuar dhe kanë mbushur rrugët.
Po ashtu ka edhe shtëpi të dëmtuara në Palata. Tërmeti u ndje edhe në Campania, Abruzzo, Puglia dhe Lazio jugore, deri në portat e Romës.
Përveç epiqendrës Montecilfone, tërmeti gjithashtu preku komunat e tjera në provincën e Campobassos.
Më të afërtat ishin Guglionesi, Palata, Larino dhe Tavenna. GJithashtu 6 dridhje të tjera tërmeti pati në minutat e mëpasme, tre me epiqendër në Montecilfone në thellësi 8, 10 dhe 14 km, me madhësi 2.8, 3.0 dhe 2.1 dhe dy me epiqendër në Guglionesi (Campobasso) me madhësi 3.0 dhe 2.5.
Një prej epiqendrave ishte edhe San Giacomo (Campobasso) me madhësi 2.5 në një thellësi prej 8 km.
Dëme të lehta në banesa u regjistruan edhe në fshatin Palata (Campobasso), ku sipas një studimi fillestar ka çarje në mure dhe dëmtim të brendshëm të shtëpive./Gazetareforma.com/
