Situata nga pandemia në rajon, vazhdon që të jetë shqetësuese. Fqinjët tanë Greqia dhe Italia vazhdojnë që të ketë një numër tepër të lartë infeksionesh të reja dhe vdekjesh nga covid-19.
Ministria e Shëndetësisë në Itali ka bërë publike shifrat e fundit sa i takon situatës së koronavirusit në vend.
Në 24 orë janë janë regjistruar 13.318 raste pozitive ndërsa janë 628 viktima. Italia po i afrohet 2 milionë infektimeve që nga fillimi i pandemisë, teksa numërohen 69.842 viktima.
Nga ana tjetër Greqia ka vetëm 833 raste pozitive në 24 orë dhe 83 viktima. Numri total i rasteve pozitive i ka kaluar 132 mijë ndërsa janë 4340 viktima që nga fillimi i pandemisë.
Të dhënat epidemiologjike në Greqi po lëvizin ngadalë, por në mënyrë të qëndrueshme në drejtimin e dëshiruar.
Por, situata e rënduar në rajonet e Atikës dhe Kozanit do të përkthehet në masa të tjera shtrënguese dhe rivlerësim të mëtejshëm çdo 5 ditë. Si pasojw, gjysma e rajonit të Atikës Perëndimore do të përballet me një izolim më të rreptë.
Megjithatë, autoritetet shpallën mbrëmë masa shtrënguese më të forta për disa zona të Athinës ku situata paraqitet më alarmante.
Për një javë në këto zona ndalimi i qarkullimit do të nisë në 18:00 deri në 05:00. Gjithashtu, do të mbyllen të gjitha aktivitetet jo të domosdoshme.
Ndërkohë në Itali rastet nga covid-19 deri tani kanë arritur në 1,921,778 persona dhe fatkeqësisht kanë humbur jetën 67,894 persona./Gazetareforma.com/
