Shifra të larta infektimesh dhe viktimash janë shënuar në 24 orët e fundit në Itali dhe Greqi, duke vënë në alarm autoritetet shëndetësore atje për shkak të mutacionit të ri të virusit.
Në 24 orët e fundit në Itali janë regjistruar 415 viktima dhe 10.872 raste të reja me koronavirus, ndërsa vihet re se shkalla e pozitivitetit është në rritje.
Veneto është rajoni më i prekur me 2583 raste, i ndjekur nga Emilia-Romagna me 1,594, Lazio 1,205 dhe Lombardia 950.
Ndërkohë në Greqi janë regjistruar 565 raste të reja me koronavirus, ndërsa 85 pacientë kanë humbur jetën.
Po ashtu vihet re një numër i lartë i pacientëve në gjendje kritike për jetën, pasi 505 persona janë në intubim, ndërkohë që numri i përgjithshëm i të infektuarve ka shkuar në 131.597./Gazetareforma.com/
