Policia po përdor bombat me gaz lotsjellës nëpër rrugët poshtë pallateve të banuara duke dëmtuar shëndetin e qytetarëve. Kjo është një granatë me gaz që gazetari i Gazetës Reforma e ka fotografuar në rrugë, sot kur policia e hodhi kundër njerëzve.
Megjithëse ky është një shqetësim i ngritur institucionalisht nga Avokati i Popullit, Drejtori i Policisë Ardi Veliu nuk i merr parasysh rekomandimet.
“ Po dëmton shëndetin e njerëzve”
Ja çfarë i rekomandon Avokati i Popullit policisë:
“Ka dëmtimi i shëndetit të qytetarëve nga përdorimi jo proporcional nga Policia e Shtetit i gazit lotsjellës të hedhur gjatë tubimeve. Nga referimet në aktet ligjore dhe nënligjore në fuqi rezulton se legjislacioni e lejon përdorimin e lëndëve lotsjellëse nga Policia e Shtetit, por pasi janë konsumuar të gjitha masat paraprake dhe përdorimi i lëndëve lakrimogjene mbetet një mundësi e fundit për arritjen e qëllimit të planit operacional të miratuar ose kur rrethanat ndryshojnë papritur dhe përdorimi i lëndëve lakrimogjene frenon rritjen e veprimeve të dhunshme ndaj forcave të policisë.
Në të gjitha situatat duhet të mbahet parasysh se, përdorimi i gazit përbën një rrezik të shtuar për jetën dhe shëndetin e banorëve”.
Rekomandimet e lëshuara nga Avokati i Popullit, të bëra pas protestave të banorëve të Astirit vlejnë edhe për trazirat e sotmet e Tiranës nuk ka vetëm protestues, por edhe njerëz të tjerë.
Operacioni ku policia përdor gaz lotsjellës ndaj një turme të vogël, si sot në rrugën “Myslym Shyri” dhe para Drejtorisë së Policisë Tiranë, nuk të lë mundësi largimi për të shpëtuar nga efekti i granatave që hidhen pa masë dhe pa kriter.
Njerëzit dilnin nga pallatet dhe e kishin të vështirë të orientoheshin nën efektin e gazit dhe me shikueshmëri të dobët për të gjetur një rrugë të sigurtë largimi. Gjithashtu, për të ndihmuar personat e dëmtuar, nuk ka pasur asnjë ekip mjekësor në zonën ku operonte policia.
Ajo që duket qartë është se nuk është zbatuar parimi i proporcionalitetit kur është përdorur gazi lotsjellës. U hodhën granata ndaj adoleshentëve në grupe të vogla.
Zbatimin e parimit ligjor të proporcionalitetit kur përdoret gazi lotsjellës nga punonjës të policisë, është përgjegjësi direkte e drejtorit Ardi Veliu. Ai duhet të përgjigjet për dëmtimin e shëndetit të njerëzve, protestues ose qytetarë të tjerë.
Ku i mori granatat me gaz Ardi Veliu?
Në fillim të këtij vitit, pas protestave të opozitës, në Kuvend ku është thirrur për interpelancë ministri Lleshaj është mburrur se “Menaxhimi i protestës ishte sipas librit të shkollës më të mirë europiane të policisë. Ai ka konfirmuar se policia përdor gaz lakrimogjen”
Nga erdhën granatat me gaz?
Gazeta Insajderi e Kosovës zbulon se gazi i cili përdoret për të shtypur protestat në Shqipëri është marrë nga Kosova në qershor 2019.
Kjo gazetë ka siguruar një dokument sipas të cilit nga policia e Kosovës huazohen 500 granata me gaz lotsjellës.
“Qeveria e Edi Ramës e mori në mënyrë të dyshimtë këtë gaz lotsjellës nga Policia e Kosovës nëpërmjet një marrëveshje të dyshimtë të nënshkruar mes Rashit Qalajt, drejtorit të Policisë së Kosovës dhe Ardi Veliut, drejtorit të Policisë së Shqipërisë.
/GazetaReforma.com/
