Një nga efektivët e Rendit që u plagos gjatë protestës së sotme rrezikon të humbasë shikimin. Mjekja nga QSUT-ja në emisionin “Open” deklaroi se, efektivi është 36 vjeç dhe ka pësuar çarje të korneas të syrit.
Polici po i nënshtrohet edhe një operacioni, ndërsa mjekja shtoi se po bëhet çdo përpjekje që ai të rifitojë shikimin.
“Siç është një traumë, nuk është një tjetër, ka marrë një çarje me xham në një nga sytë, goxha e thellë. Ka pësuar çarje të korneas të syrit, po i nënshtrohet një operacioni”,- tha mjekja ndër të tjera.
Sipas MSH, gjithsej janë plagosur 8 policë dhe 2 protestues, të cilët po marrin trajtim në spital. MSH thekson se, njëri polic ka dëmtime serioze dhe pritet t’i nënshtrohet një ndërhyrjeje kirurgjikale.
Njoftimi i MSH:
“Ministria e Shëndetësisë dhe Mbrojtjes Sociale informon se Urgjenca Kombetare ne vendngjarje, ka transportuar ne spitale 10 te lenduar ne protesten e dhunshme te zhvilluar ne Bulevardin “Deshmoret e Kombit”.
Tete punonjes te policise dhe dy protestues jane duke u trajtuar ne spitalet universitare te Tiranes, ku njeri prej punonjesve te rendit ka demtime me serioze.
Ne spitalin e Traumes po trajtohen aktualisht 7 punonjes te policise dhe dy protestues ne gjendje te stabilizuar.
Ndersa ne Qendren Spitalore Universitare “Nene Tereza” po trajtohet nje punonjes i policise, gjendja e te cilit, sipas mjekeve, eshte serioze, pasi rrezikon humbjen e njerit sy dhe pritet ti nenshtrohet nderhyrjes kirurgjikale.
Urgjenca Kombetare dhe strukturat shendetesore vijojne te jene ne gatishmeri te plote”.
/GazetaReforma.com/
