Ministri i Brendshëm Sandër Lleshaj ka treguar edhe një herë se është po ai që ka shpërndarë turmat me gas lotsjellës disa herë, dhe as sot nuk e kurseu kundër protestuesve që po cenonin kryeministrinë.
Teksa situata është tensionuar para kryeministrisë, mësohet se Forcat Speciale kanë lëshuar gaz lotsjellës.
Mësohet se nga tarraca e kryeministrisë, Forcat Speciale kanë lëshuar gaz lotsjellës, duke bërë që një pjesë e madhe e protestuesve të largohen nga sheshi para kryeministrisë drejt bulevardit.
Në deklarimet që japin protestues të rastësishëm ata shprehen se nuk kanë ndërmend të largohen.
Tashmë ata po përpiqen që të pastrohet ajri dhe afron përsëri para godinës kryesore qeveritare. Protestuesit tentuan të hapin dyert e kryeministrisë, duke i goditur ato me mjete të forta.
Forcat e Ndërhyrjes së Shpejtë u vendosën në hyrje të kryeministrisë dhe hodhën fillimisht spraj dhe më pas gaz lotsjellës.
Pasi u përplasën me kordonin e Policisë përpara Ministrisë së Brendshme, protestuesit u zhvendosën te kryeministria.
/GazetaReforma.com/
