Do të prehet sot në Atdhe, trupi i shqiptarit që u gjet i vdekur në burgun e sigurisë së lartë në Koridhalo të Greqisë.
Viktima, 33-vjeçari Bardhyl Tusha, i dënuar për trafik të lëndëve narkotike do të varresot sot në fshatin Shelegar të Sarandës.
Shkaqet e sakta të vdekjes nuk janë bërë ende publike, ndonëse ai iu nështrua ekspertizës mjeko-ligjore.
Ndërkohë vetë familjarët nuk kanë dashur të komentojnë ngjarjen. Megjithëse më herët mjekët e burgut grek, deklaruan se në trupin e shqiptarit nuk janë vërejtur shenja dhune dhe se dyshohet se vdekja mund t’i ketë ardhur nga abuzimi me drogën.
33-vjeçari është bërë personi i tretë që humb jetën në javët e fundit në këtë burg, ndërsa shënon shqiptarin e katërt që humb jetën në burgjet e Greqisë në pak kohë.
