Një tërmet i radhës ka tronditur sërish ditën e sotme Greqinë. Tërmeti ka rënë 11 kilometra në lindje të qytetit të Tebës.
Tërmeti që ka tronditur Tebën ka qenë me magnitudë 5.2 ballë të shkallës rihter dhe me një thellësi prej 10 km. Tërmeti i rënë në Tebë është ndier edhe në kryeqytetin e Greqisë, Athinë.
Më parë në Greqi 15 kilometra larg ishullit Samos u regjistrua një tërmet me shkallë 6.6 rihter ku dhe shënoi 2 viktima në ishull, si dhe 114 në qytetin e Turqisë, Izmir, si dhe një cunami në brigjet detare.
Duket se ende mikropllakat tektonike në këtë rajon nuk kanë gjetur qetësi, dhe zona gjeneron ende energji të pa shkarkuar, sipas ekspertëve grekë sizmiologë.
/GazetaReforma.com/
