Që prej muajit mars, 565 të infektuar kanë zgjedhur të udhëtojnë me chartera mjekësor drejt vende të tjera. Nga këto, 270 udhëtime mjekësore me ‘chartera’ janë regjistruar drejt shtetit turk. Vjena është destinacioni i dytë, i cili renditet pas Turqisë për numrin e udhëtimeve mjekësore jashtë vendit. E treta rendita Italia për numrin e charterave të nisur drejt saj nga Rinasi
Përdoruesit e këtij shërbimi të shtrenjtë janë kryesisht zyrtarë, klerikë dhe biznesmenë. Duke mos i besuar spitaleve tona, pavarësisht garancive të dhëna herë pas here nga vetë kryeministri Rama, këta pacientë kanë zgjedhur të fluturojën jashtë, ku ka pasur edhe raste që nuk janë shëruar.
Shuma që iu ka kushtuar shqiptarëve për kurim është përllogaritur me përafërsi dhe ka rezultuar një kosto prej 6.7 milionë eurosh për udhëtime dhe 12 milionë euro për kurimin në spitale private.
Udhëtimet drejt Turqisë, bëjnë me dije burime nga Aeroporti i Rinasit, vijojnë normalisht për qytetarët rezident në këtë shtet pa protokolle të shtuara dhe masa strikte. Ndërsa për disa vende të Bashkimit Europian ka kufizime protokollare shëndetësore që kanë vendosur shtetet siç është Italia, ku kërkohen arsye emergjente.
Sa i përket informacioneve që kanë të bëjnë me udhëtimet private me charter për Covid-19, janë të dhëna që i përkasin Autoritetit të Aviacionit Civil dhe ministrive përkatëse, asaj të Drejtësisë, Mbrojtjes dhe Shëndetësisë, por burime bëjnë me dije se ndonëse në numër më të kufizuar, ato vijojnë.
Kujtojmë se Turqia 3 ditë më parë ka vendosur që të mos pranojë më për kurim pacientë me Covid-19 nga shtetet e tjera, për shkak se kapacitetet në spitale po ezaurohen. Më së shumti pacientët e prekur me koronavirus që niseshin drejt Tuqisë ishin nga Shqipëria, Gjeorgjia, Rusia dhe Iraku. Qeveria turke ditën e djeshme ka njoftuar të gjitha kompanitë ajrore private që mos të sjellin më pacientë me Covid-19, përndryshe do të gjobiten.
Në ditën e fundit janë regjistruar deri në 5-6 fluturime në ditë të pacientëve pozitiv me COVID që shkonin për kurim në Turqi. Autoriteti i Aviacionit Civil në Turqi aplikonte një tarifë prej 18 mijë deri në 22 mijë dollarë për transportin e pacientëve në varësi nga distanca
/GazetaReforma.com/
