Gazetari Carlo Bollino, i ka befasuar të gjithë mbrëmjen e sotme, teksa ka bërë një deklaratë “shokuese” në lidhje me Luftën e Kosovës në vitin 1999 dhe përfshirjen e Lulzim Bashës në çështjen e masakrës së Krushës së Madhe.
I ftuar në emisionin “Open”, Bolino ka deklaruar se në vitin 1999 kur raportonte për luftën e Kosovës dhe ardhjen e refugjatëve kosovarë të dëbuar nga forcat serbe, është ‘ballafaquar’ me Lulzim Bashën në Kukës.
Ndër të tjera Bolino konfirmoi se Basha ka qëeë bashkë me prokurorin, te ish-hotel Turizmi, ku ishte dhe presidenti aktual, Ilir Meta si përfaqësues i qeverisë së asaj kohe të kryeministrit Majko.
“Rastësisht kam qenë vetë atje, e kam parë Bashën në Kukës në 1999, por ka qenë atje si përfaqësues i tribulanes, bashkë me të ka qenë një prokuror sudafrikan, Dimaruga.
E kam intervistuar pasi kishte ardhur nga Krusha e Madhe dhe intervista është transmetuar nga Ansa në prill. Kam intervistuar dhe prokurorin. Tani Bellanica, ky dëshmitar bashkë me videon është prova më e madhe e masakrës.
Nuk e di pse Basha nuk e pranon, ai ishte bashkë me prokurorin, te ish-hotel Turizmi, ku ishte dhe Meta si përfaqësues i qeverisë, mendoj se dhe ai mund ta dëshmojë për ditën e investigimeve.
Gjithsesi nuk e besoj që Basha ka ndikuar për zhdukjen e kasetës ku është xhiruar masakra e Krushës. Po flasim për dy kaseta, ku njëra ishte vetëm audio. Pse ai gënjen pse se pranon, që e ka takuar Bellanicën”, ka thënë Bolino./Gazetareforma.com/
