Shefi i Urgjencës Skënder Brataj dhe mjeku Erion Dasho janë mbërthyer me njëri-tjetrin me etiketime dhe fyerje. Shkak u bënë kritikat ndaj Urgjencës të artikuluara nga mjeku Erion Dasho.
Fyerjet
“Shoferi që kërkon të bëhet deputet”, i është përgjigjur Brataj, në një shkrim të gjatë të postuar në Facebook. Ndërsa Dasho, i i kishte thënë më parë: ” Këpucar! Merru me këpucët!
Sipas Dashos Urgjenca po e fut në kaos pacientin mbi rrugëtimin që duhet të ndjekë për të arritur deri të spitalet COVID. Brataj i ka kthyer përgjigje me shifra duke u krahasuar me Gjermaninë.
“Sot shofer Erion Dasho ka bërë një analizë si ato që di të bëj ai dhe si gjithmonë pa etikë dhe deontologji më thotë: Këpucar merru me këpucët!”, shkruan Brataj.
“Shofer Erionin e kam njohur në vitin 2015 kur erdha në Shqipëri. Ishte drejtor i Telemjeksisë shqiptare, por mos u çudisni nëse ai nuk e di çfarë është telemjeksia! Pasi të sqaroj qytetarët po i bëj një përshkrim të shkurtër karrierës së shofer Erionit deri tani! Nga këtu e tutje ai po konsulton me disa parti politike dhe ndoshta pretendon ndonjë zgjedhje si deputet, normal nuk është hera e parë që ndodh! Që të ndodh një gjë e tillë duhet të godasësh gjërat dhe shërbimet që funksionojnë dhe sidomos drejtuesit e tyre! Sot ka gjetur fajtorin , Urgjencën Mjeksore, Urgjencën Kombëtare!!”. Vazhdon më tej Brataj.
Argumentet
Sipas tij, roli i Urgjencës është i pazëvendësueshëm nga mjeku i familjes.
“Qytetari ka katër mënyra për të hyrë në sistem, mjekun e familjes, qendrën shëndetësore, urgjencën spitalore dhe urgjencën paraspitalore ose 127. I vetmi shërbim 24 orë janë urgjencat e spitaleve, Q.SH me urgjencë pritëse dhe 127. Mjeku i familjes nuk e mbulon dot shërbimin natën, ditët e festave dhe ditët e pushimit”, shkruan Brataj.
Sipas tij. “Urgjenca nëpërmjet numrit unik 127 është i vetmi që mund të kapet në kohë reale dhe qytetari të ketë një përgjigje, një informacion dhe një këshillim mjekësor”. Pra, vazhdon Brataj, si do të lidhet qytetari me sistemin shofer Erioni kur nuk ka asnjë sistem të integruar dhe të kompletuar në Shqipëri? “Në të gjithë botën të gjitha sistemet e urgjencës në bazë të të dhënave bëjnë mbi 80% asistencë dhe 20% urgjencë mjekësore midis tyre edhe Gjermania!”, shkruan Brataj.
/GazetaReforma.com/
