Një tragjedi ka ndodhur mbrëmjen e kaluar në një spital për të infektuarit me Covid në Rumani, i cili u përfshi nga flakët pa e kuptuar.
Në fillim flakët përfshinë dhomat e terapisë intensive fillimisht dhe më pas u përhapën në dhomat e tjera, ndërkohë që 10 pacientë humbën jetën. Numri i viktimave mund të rritet për shkak se shumë pacientë kanë marrë plagë të rënda dhe janë në gjendje të rëndë shëndetësore.
Tetë nga viktimat e humbën jetën nga flakët ndërsa dy të tjerë u shpallën të vdekur pasi u evakuuan. Mjeku në detyrë, që u përpoq të ndihmonte viktimat, pësoi djegie të shkallës së dytë dhe të tretë në 80 përqind të trupit të tij, tha shërbimi i shpëtimit.
Shkaku i zjarrit mbetet i paqartë ndërsa prokurori i përgjithshëm hapi një hetim mbi ngjarjen e rëndë. Ministria e shëndetësisë sugjeroi që zjarri mund të ishte shkaktuar nga një qark i shkurtër elektrik.
