Gjermania ka shënuar fitore më përmbysje kundër Ukrainës. Gjërat ende mbesin të paqarta në këtë grup pasi që Gjermania tani është në vendin e parë më 9 pikë. Zvicra mbetet në vendin e fundit me 3 pikë.
Gjermani-Ukrainë 3:1
Ukraina u mund sonte në Red Bull Arena të Leipzigut nga Gjermania e madhe. Miqtë kaluan shpejt në epërsi në minutën e 12 pasi shënoi Yaremchuk. Por Gjermania do të barazonte me Leroy Sane në minutën e 23-të te ndeshjes. Gjermania do ta përmbyste rezultatin në pjesën e parë në minutën e 33-të. Werner shënoi edhe në pjesën e dytë, golin e tretë në minutën e 64-të, për t’ia dhënë tri pikë gjermanëve që tani kryesojnë në Grupin 4 të Ligës A të Kombeve. Ndeshja e radhës, më 17 nëntor, Spanjë-Gjermani do të përcaktojë fituesin e këtij grupi.
Zvicër-Spanjë 1:1
Zvicra ka barazuar sonte në Jakob Park, duke mbetur ende pa fitore në Ligën e Kombeve këtë sezon. Zvicra erdhi të goli herët në këtë ndeshje, në minutën e 26-të, pas një kundërsulmi të tyre ku shënoi Fruler me asistimin e Embolo. Spanja tentoi që ta barazojë rezultatin, por nuk e arriti atë edhe pse pati dy mundësi të mira ta bëj këtë me dy penallti që i humbi Sergio Ramos. Spanja do ta barazonte rezultatin në fund të ndeshjes me Morenon, derisa helvetët mbetën me një lojtar me pak pasi Elvedi u ndëshkua me të kuq. Në këtë ndeshje nga fillimi ka startuar Granit Xhaka dhe Xherdan Shaqiri. Ndeshjen e fundit në Ligën e Kombeve, Zvicra do ta zhvillojë më 17 nëntor kundër Ukrainës ku edhe do të luftojë për vendin e tretë në Ligën A të Kombeve, duke shmangur rënien në Ligën B.
/GazetaReforma.com/
