Policia dhe zjarrfikësit po përpiqen të shuajnë flakët në një farmaci që është përfshirë nga zjarri, pak çaste më parë në lagjen Dardania, në Prishtinë. Ata kanë larguar banorët nga ndërtesa dhe lokalet përreth dhe po luftojnë me zjarrin.
Ende nuk është bërë e ditur se çfarë mund ta ketë shkaktuar zjarrin. Policia e Kosovës ka konfirmuar se fatmirësisht nuk ka persona të lënduar.
“Në ora 18:04, policia është njoftuar për një zjarr në bulevardin ‘Dëshmorët e Kombit’ Prishtinë. Njësitet relevante policore kanë dalë në vendin e ngjarjes. Janë njoftuar edhe ekipet e zjarrfikëse që i janë përgjigjur njoftimit. Nga zjarri nuk ka persona të lënduar”, ka konfirmuar zëdhënësi Krasniqi. Farmacia që është përfshirë nga flakët është një nga më të mëdhatë në Prishtinë, quhet “Rexall”.
/GazetaReforma.com/
