Edhe në Europianin e vitit 2021 shqiptarët nuk do të mungojnë. Kjo pasi Maqedonia e Veriut është kulaifikuar për herë të parë në Europian pas fitores 0-1 ndaj Gjeorgjisë në Ligën e Kombeve.
Një gol i Goran Pandev vendosi finalen e Nations League të luajtur në Tbilis përballë Gjeorgjisë vendase. Sulmuesi 37-vjeçar i Genoas, finalizoi një aksion shumë të bukur të kombëtares mike në minutën e 56-të.
Maqedonasit më parë kishin mundur edhe Kosovën 2-1 në Shkup por fitorja e mbrëmjes së sotme i kaloi ata automatikisht në kampionatin e Europës.
Skuadra maqedonase ia doli ta menaxhonte shumë mirë avantazhin deri në fund dhe tashmë do të luajë në Euro 2021. Katër lojtarë shqiptarë e nisën si titullarë ndeshjen e sotme: Egzon Bejtulai (Shkëndija), Visar Musliu (MOL Fehervar), Arijan Ademi (Dinamo Zagreb) dhe Ezgjan Alioski (Leeds United).
