Në Greqi numri i personave të infektuar me Covid-19 po rritet çdo ditë e më shumë duke rikthyer masat kufizuese në disa qytete dhe mbyllja totale për disa zona.
Por ditën e sotme gjatë fjalës së tij në kuvend, kryeministri grek Kyriakos Mitsotakis tha se në janar pritet që në Greqi të përdoret vaksina anti Covid.
“Sot nuk ecim pa drejtim. Duhet të shtrëngojmë dhëmbët për të arritur deri në fund. Ne do të kemi vaksina nga janari. Dozat do të të vijnë në pjesë dhe qytetarët do të duhet të vaksinohen në mënyrë që të thyejnë zinxhirin e pandemisë. Do të kapërcejmë vështirësitë dhe do të dalim fitimtarë me sa më pak lëndime, në mënyrë që viti 2021 të jetë viti i rifillimit”, ka thënë Mitsotakis.
Ndërkohë në Greqi është rikthyer ora policore dhe për 8 orë nga 21:00- 05:00 do të ndalohet qarkullimi i qytetarëve, përveç arsyeve shëndetësore dhe arsye pune.Lëvizja e qytetarëve do të rregullohet me aplikacion, por gjatë natës disa pika për të cilat lejohet gjatë ditës nuk do të lejohen gjatë natës prandaj edhe ora policore 21:00-05:00 do të jetë më e ashpër.
Vetëm ditën e djeshme autoritetet shëndetësore greke kanë njoftuar se në 24 orët e fundit janë konfirmuar 2752 raste të reja të koronavirusit në vend, 39 nga të cilat janë zbuluar në kontrollet në portat hyrje të vendit. Numri i përgjithshëm i rasteve është 63321.
