Koronavirusi ka mbërthyer vendin tonë, pasi çdo ditë regjistrohen shifra të larta rastesh të reja pozitive por edhe humbjesh jete.
Ditën e sotme Ministria e Shëndetësisë njoftoi se janë kryer 2,384 testime, prej të cilave 520 janë testime janë kryer për arsye depistimi dhe kanë rezultuar pozitivë me virusin SARS COV2, 507 qytetarë.
Nga këto 12 raste ishin vetëm në qytetin e Vlorës dhe sipas “AbcNews” të infektuar me Covid-19 janë një mësuese, një edukatore e kopshtit nr.1 në Vlorë dhe një sanitare e këtij kopshti si dhe një farmaciste dhe një punonjëse e një klinike private.
Gjithashtu mësohet se një shofer ambulance dhe një punonjës i OSHEE në Vlorë është infektuar me koronavirus.
Që nga fillimi i pandemisë e deri më tani në qytetin e Vlorës janë shënuar 559 raste me Covid-19.
