Gjirokastra është tronditur mbrëmjen e sotme nga një shpërthim në një ndërtesë trekatëshe në lagjen “Granicë e sipërme”.
Sipas Ballkanweb, ngjarja ka ndodhur në katin e parë të ndërtesës, i cili shërbente si dyqan.
Dyshimet paraprake të policisë janë se shpërthimi ka ardhur si pasojë e një sasie tritoli, mirëpo ende nuk është vërtetuar asgjë.
Deri më tani nuk ka asnjë person të dëmtuar apo të lënduar nga shpërthimi, përveç dëmeve materiale të cilat janë të konsiderueshme.
Shpërthimi ka shkatërruar kangjellat e jashtme dhe xhamat e pallateve rrotull.
Policia ende nuk ka asnjë të dhënë paraprake rreth shkaqeve dhe motiveve të ngjarjes.
