Duket që situata për shkak të covidit nëe rajon, sa vjen e po përkeqësohet.
Ndërkohë që i gjithë Ballkani e Evropa po përballen me një valë të dytë të pandemisë, edhe në Shqipëri dhe në vendet fqinje si Kosovë dhe Greqi po shkakton një numër të lartë infektimesh dhe vdekjesh.
Kujtojmë se vetëm një ditë më parë në Shqipëri ndërruan jetë 8 persona, ndërsa sot ndërruan jetë 11 persona. Ndërsa vetëm dje kishte 563 raste të reja ndërsa sot 507 të tilla.
Ndërkohë, mediat greke kanë raportuar se vetëm gjatë orëve të fundit në Greqi kanë ndërruar jetë 19 persona, të gjithë viktima mbi 70 vjeç.
Situata është shumë shqetësuese edhe në qytetin e Selanikut, ku sipas mediave greke, 3 në 10 tamponë dalin pozitivë me koronavirus.
Greqia vendosi një javë më parë që të mbyllë qarkullimin plotësisht në qytetet më të prekura, si edhe nga ora 22:00 deri në 06:00 në pjesën tjetër të territorit, ndërsa maskat janë të detyrueshme kudo./Iconstyle.al/
