Gjermania edhe pse nuk është më një shtet me ambicie pushtuese apo një vend në luftë, ka vendosur të mos mbetet pas vendeve të tjera në garën për të treguar supermaci ushtarake.
Ministria gjermane e Mbrojtjes, apo siç njihet “Bundeswehr-i”, ka vendosur jo vetëm shtimin tempit të armatimit për njësitë tokësore, por tashmë edhe rinovimin e flotës ajrore me avionët më të fundit.
Kështu, me kërkesë të “Bundeswehr-it”, parlamenti federal i Gjermanisë ka aprovuar së fundmi kontratën kolosale prej 6.3 miliardë Eurosh për të blerë variantin e 3-të të modernizuar të gjuajtësve evropianë “Eurofighter Typhoon”, me të cilët pritet të zëvendësojnë avionët e vjetruar “Tornado” të epokës së “Luftës së Gjirit I”.
Avionët e rinj do të zëvendësojnë gjithashtu dhe variantin e parë të “Eurofighter I”, që tashmë konsiderohet si i “vjetruar” nga aeronautika ushtarake gjermane.
Gjenerali i forcave ajrore Ingo Gerhartz, tha se, ky “vendim i rëndësishëm do të forcojë kapacitetet luftuese dhe do të rrisë gatishmërinë e flotës së gjuajtësve Eurofighter në aleancën e NATO-s”.
Varianti i 4-rt i “Eurofighter” ka një numër avantazhesh nga pararendësit e tij, siç është integrimi i radarëve “AESA” dhe “Captor-E Mk1”.
Këta janë radarët më të fuqishëm dhe mund të udhëheqin raketat e rangut të largët si ato ajër-ajër “Meteor”, dhe konsiderohen më të vështirë për të rënë pre e zhurmuesve ushtarakë.
Gjermania do të porosisë të paktën 93 gjuajtës të rinj “Eurofighter”, teksa i rezistoi mundësisë për të blerë gjuajtësit më të shtrenjtë anti-radar amerikanë “F-35A”, siç kanë bërë edhe Britania, Italia, Belgjika, Polonia dhe disa vende të tjera evropiane.
“F-35” kalon “Eurofighter” për kapacitetet anti-radar dhe sistemet elektronike, por vendimi është motivuar nga performanca superiore e fluturimit të “Eurofghter”, të cilët në rastin e Gjermanisë, mund të integrojnë gjithashtu raketat “Taurus” që janë superiore ndaj çdo armatimi aktual të “F-35”.
/GazetaReforma.com/
