Raporti i ish-eurodeputetit zvicerian Dick Marti për “Shtëpinë e Verdhë” në Shqipëri, ku sipas tij forcat e UÇK-së gjatë luftës së Kosovës kanë bërë trafikime organesh, ka bërë që bazuar në indicien e tij të krijohet Gjykata Speciale e cila ka dërguar aktakuza për krime lufte në Hagë, për shumë ish krerë të UÇK-së, sot zyrtarë të lartë politikë, përfshirë edhe Presidentin e Kosovës Hashim Thaçin.
Kujtojmë se ky raport famëkeq, i akuzuar nga shumë politikanë dhe ekspertë shqiptarë , si lobim rus dhe serbë për prishjen dhe dëmtimin e shtetit të ri të Kosovës, u miratua si rezolutë me 166 vota pro dhe vetëm 8 kundër, nga Asambleja Parlamentare e Këshillit të Evropës në vitin 2011, ku u kërkua hetim për trafikimin e organeve nga eksponentë të UÇK-së në Kosovë dhe në veri të Shqipërisë.
Ky raport famëkeq për shtetin kosovar kishte marrë mbështetje të madhe në Këshillin Sigurim, në të cilin akuzohen zyrtarët të lartë të shtetit kosovarë duke përfshirë edhe vetë presidentin Kosovës Hashim Thaçi, i cili dha dorëheqjen ditën e djeshme pasi u nis drejt Hagës pas aktakuzës nga Gjykata Speciale.
Deputeti zvicerian Dick Marti, kishte përsëritur akuzat se Kosova dhe Shqipëria nuk kanë bashkëpunuar sa duhet, ndërsa ka akuzuar edhe Tribunalin e Hagës për shkatërrimin e provave të mbledhura në të ashtuquajturën “shtëpi e verdhë“.
Pas riaktualizimit të raportit të Martit dhe “Shtëpisë së Verdhë” , gazetari Muhamed Veliu, ka intervistuar pronarin e “Shtëpisë së Verdhë”, Mersin Katuçin. Ndër të tjera Katuçi tregoi edhe për ardhjen e Dick Martit të maskuar në vitin 2004 dhe kontrollit që iu bë shtëpisë, ku disa njerëz kërkonin njolla të gjakut apo shiringa.
Sipas tij, autoritetet dyshonin se shtëpia ishte përdorur si spital. Por Katuci e hedh poshtë një akuzë të tillë. Katuçi madje kërkon edhe zbardhjen e plotë sa më shpejtë të kësaj padrejtësie.
Intervista:
Zoti Mersin kur ju për herë të parë e morët vesh se janë ngritur akuza se në këtë shtëpi UÇK-ja kishte ndërmarrë trafik organesh?
Më 4 shkurt të vitit 2004, këtu, pranë banesës sime është ushtruar një kontroll. Bashkë me prokurorin e Rrethit Mat, zotin Arben Dyla që sot ndodhet prokuror në Rrethin e Kavajës, me policinë e rrethit, me inspektor zone zotin Astrit Pelesha dhe policinë e rrethit.
Po Dick Marti ka qenë ndonjëherë këtu?
Po, ka ardhur në Tiranë dhe ka kërkuar nga shteti shqiptar një vendim, ato nuk ia kanë dhënë. Në mënyrë kontrabandë, policia e Rrethit Mat, prokuroria e Rrethit Mat kanë telefonuar që këtu do të bëhet një kontroll përsëri pas vitit 2004, unë nuk pranova. Para disa orësh ata kanë ardhur këtu, kemi dalë bllokuar rrugën familjarisht.
Jemi përballur me policinë dhe me shoqëruesit e Dik Martin, ai ka qenë i maskuar. Nëse keni parë gjatë rrugës ka varreza, shoqëruesit e atyre kanë dashur të zhvarrosin eshtrat e fshatit. Ata dëshironin të bënin ADN me eshtra shqiptarësh për t’i cilësuar si serbë.
Kjo është shumë e padrejtë. Për këto luftëtarët e UÇK-së, kanë bërë luftë të drejtë, se çfarë kanë bërë serbët në Kosovë e dinë e gjithë bota. Na kanë përfshirë, por ne nuk kemi lidhje fare. Në 99-ën këtu nuk ka shkel këmbë kosovari, në zonën tonë, ata kanë qëndruar në zonën e Burrelit.
Kur u bë kontrolli që sapo më thatë, çfarë lloj kontrolli ishte?
Këtu është ushtruar një kontroll, në këtë banesë, brenda dhe jashtë kanë nxjerrë fëmijën, babanë tim të moshuar dhe një fëmijë tre muajsh i kanë nxjerr jashtë.
Këtu kërkonin njolla gjaku, shiringa, pretendonin që kjo shtëpi ka qenë dikur spital, por kjo nuk ka qenë. Ato në mënyrë barbare, bashkë me prokurorin e rrethit, kanë dashur të çanin dhomën, kanë hedh lëndë helmuese, i kam të shënuara në libra e gazeta. Na kanë lënë pa ushqim për 24 orë.
Çfarë kërkoni konkretisht nga autoritetet shqiptare?
Kam kërkuar që nga ish- kryeministri Sali Berisha e deri tek kryeministri Rama, që të zbardhet e drejta e familjes time. Dua një dëmshpërblim moral. Dua që shteti shqiptar të ngre një aktpadi në Gjykatën e Hagës, për të padrejtën që më është bërë mua dhe shtetit shqiptar.
E kërkova disa herë kjo nuk është marrë parasysh fare. Prandaj kërkoj edhe njëherë fuqimisht të gjithë shtetit shqiptar, i bëj thirrje kryeministrit Edi Rama që këtë familje ta ketë me dritën e syrit sepse më është bërë një padrejtësi e madhe, nëse është kryeministri i shqiptarëve, nëse është në parti me serbin, le të qëndrojë me ta.
Burimi:TopChannel Përshtati: GazetaReforma.com/
