Kaosi që po krijohet tash e 9 muaj në Kadastrën e Vlorës, është një ngjarje paprecedentë më parë në këtë institucion.
Edhe pas kaq kohësh, ky institucion i rëndësishëm nuk ka gjetur ende qetësi, pasi vazhdimisht brenda një kohe rekord, i ndërrohen, zëvendësohen, apo shkarkohen drejtuesit e saj.
Pas hetimit të anti-krimit ekonomik dhe auditit të KLSH-së, për shkeljet dhe tjetërsimet e pronave në dosjen e “Jalës”, si dhe pas procedimit të listës së 25 specialistëve të cilët ishin pjesë e asaj dosjeje, është rikthyer në postin e zëvendësdrejtorit të Kadastrës, Klodian Troci, i cili ishte pezulluar më herët për shkak të përfshirjes në këtë dosje.
Bëhet me dije se ndryshimet janë konsistuar në pozicionin e kreut të legalizimeve në këtë Kadastër, si dhe në pozicionin e shefit të hartografisë.
Ndërkohë që vendin e Klodian Trocit si drejtues i IKMT-së, është emëruar zëvendës kryetari aktual i bashkisë së Himarës, Simbol Pazaj./GazetReforma.com/
