Shefja e Shërbimit Infektiv, Najada Çomo u shpreh se “grumbullimi i të rinjve në lokale është risk, që ata të infektohen mes tyre dhe ta çojnë infeksionin edhe tek personat e tjerë”.
Në emisionin “Opinion”, ajo tha se “këshillimet janë dinamike sipas situatës që paraqitet”.
“Për shkollën është një problem serioz ashtu sikurse është i rëndësishëm shkollimi i të gjithë studentëve që janë në vitin e parë e në vitet e tjera. E rëndësishme është të mbrohet shëndeti atyre sepse zhvillimet janë dinamike”, tha Çomo.
“Nëse shifrat do të jenë alarmante ndoshta do të kemi edhe mbyllje të pjesshme të Shqipërisë. Tendenca është më e madhe për tu lokalizuar në zona të caktuar aty ku shtimi i rasteve të infektuar është më evident”, tha Çomo.
Ndaj ajo i bëri apel qytetarëve për respektimin e masave mbrojtëse, mbajtjen e maskave, distancimin fizik dhe sa më pak të frekuentojnë grumbullimet
“Lokalet po bëhen realisht një vend i ku shtohet rreziku për përhapjen e virusit“, tha ajo.
