Njëri prej 9 të arrestuarve që akuzohen për vrasjen e ish-policit Santiago Malko, Blendi Teta, tashmë ndodhet në një situatë më të vështirë.
Bëhet me dije se Tetës i është kërkuar ndryshimi i akuzës nga Prokuroria e Posaçme, SPAK, nga “vrasje me paramendim” në “vrasje për hakmarrje”.
Me masën e mëparshme Teta dënohej deri në 15 vite burg, ndërsa me masën e re “Vrasje për hakmarrje”, Teta rrezikon deri në 20 vite burg.
Mësohet se Tetës i është dhënë 10 ditë kohë për të bërë ankimim për ndryshimin e veprës penale për të cilën akuzohet.
“Vëzhguesi” i Klanit Duka nuk ishte i pranishëm në seancë, ndërsa gjykata vendosi shqyrtimin e kërkesës së prokurorisë më 03 nëntor./GazetaReforma.com/
