Pritjes i erdhi fundi, këtë mbrëmje nuk do të kemi mundësinë të shohim përballë njeri-tjetrit dy yjet e Ligës së Kampionëve, Leo Messin nga Baecelona dhe Cristiano Ronaldon nga Juventusi.
Kjo pasi ylli juventin ka rezultuar sërish pozitiv edhe në testin e dytë të kryer për koronavirusin, duke shuar përfundiisht shpresat për ta parë në “Allianz Stadium”.
Mungesa e tij në këtë ndeshje kaq të rëndësishme për italianët do të vihet re pasi trajneri i Juventusit Pirlo ka të konfirmuara edhe mungesat e Giorgio Chiellinit e Mathijs De Ligt, ndërsa në dyshim është edhe Leonardo Bonucci, i cili pësoi një problem muskulor në ndeshjen ndaj Veronës dhe la fushën e lojës 10 minuta para fundit.
Ndërkohë kujtojmë se Cristiano Ronaldo u infektua me COVID-19 gjatë kohës që ishte grumbulluar me Kombëtaren e tij për ndeshjet e Ligës së Kombeve.
Ai u kthye menjëherë në shtëpinë e tij në Torino ku është izoluar dhe po pret me pa durim momentin që do të shërohet dhe t’i kthehet ekipit të tij, Juventusit, pasi edhe në testin e javës kaluar rezultoi pozitiv.
