Një operacion i përbashkët ku morën pjesë 17 shtete të BE-së, përfshirë edhe 5 nga vendet e Ballkanit, së bashku me Kosovën dhe Shqipërinë, është finalizuar me sukses.
Bëhet me dije se gjatë këtij operacioni të koordinuar janë sekuestruar 352 makina të vjedhura, si dhe janë ndaluar 2985 emigrantë të paligjshëm.
Operacioni i quajtur JAD Mobile 3 është koordinuar nga EUROPOL bashkë me disa agjenci të tjera policore.
Rreth 44, 548 kontrolle u kryen gjatë këtij operacioni dy-javor (12-23 tetor 2020) të kryera në kuadrin e Platformës Evropiane Multidisiplinare Kundër Kërcënimeve Penale (EMPACT) . I udhëhequr nga Agjencia Evropiane e Kufirit dhe Rojes Bregdetare FRONTEX , ky operacion u përqendrua në kontrollet në pikat e kalimit të kufirit dhe aktivitetet brenda territorit në 17 vende të BE dhe 5 vende në rajonin e Ballkanit.
Bazuar në informacioniet paraprake dhe në bazë të të dhënave të Europol, oficerët e kontrollit kufitar në kufirin e jashtëm të BE parandaluan shumë automjete dhe anije të kontrabandoheshin jashtë shtetit. Si një shembull, Policia Greke kapi 15 automjete nga kompanitë me qira të cilat kriminelët u përpoqën ti nxirrnin jashtë BE.
Aktivitetet e përqendruara në kontrollet e automjeteve dhe anijeve rezultuan gjithashtu në kapjen e 2985 emigrantëve të paligjshëm gjatë rrugës për në BE përmes rrugëve tokësore dhe detare. 17 persona janë arrestuar. Vendet kryesore të destinacionit të emigrantëve ishin Gjermania dhe Italia. Trafikantët i transportonin emigrantët në rrugë tokësore, por edhe me anije të vogla përmes Detit Adriatik.
FRONTEX ngriti një Qendër Koordinimi në selinë e saj në Varshavë, ku oficerë nga vendet pjesëmarrëse shkëmbyen informacione operacionale dhe të inteligjencës në mënyrë efikase. Europol mbështeti nga distanca duke kontrolluar në kohë reale informacionin e mbledhur në terren kundrejt bazës së të dhënave.
Vendet dhe palët e mëposhtme u përfshinë në operacionin MOBILE 3 dhe lidhën operacione në të njëjtën periudhë kohore:
-Shqipëria, Austria, Bosnja Hercegovina, Bullgaria, Kroacia, Estonia, Franca, Gjermania, Greqia, Hungaria, Italia, Kosova, Letonia, Lituania, Hollanda, Republika e Maqedonisë së Veriut, Mali i Zi, Polonia, Portugalia, Rumania, Sllovakia, Spanja.
-Organizatat dhe agjencitë ndërkombëtare që morën pjesë: FRONTEX, Europol, INTERPOL./GazetaReforma.com/
