Policia e Pogradecit ka vënë në pranga një person pasi është kapur në flagrancë teksa transportonte shtetas të huaj, sirianë.
Bëhet me dije se shoferi pasi ka pikasur policinë është futur në një rrugë kundravajtje në përpjekje për të devijuar postobllokun, por është pikasur nga unifromat blu.
Policia ka arritur të kapë shoferin e makinës, brenda së cilës mendohet se ishin 4 ose 5 sirianë.
Sakaq efektivët blu i janë vënë në ndjekje një mjeti tjetër tip “Benz”, i cili mendohet se hapte rrugën për makinën tip “ML” ku ndodheshin shtetasit e jashtëligjshëm.
Trafikimi i sirianëve në Shqipëri është rritur shumë kohët e fundit pasi këta të fundit vijnë nga Greqia dhe përdorin Shqipërinë më pas për të kaluar në Europë.
