Presidentin e Komisionit të Venecias, Z. Gianni Buquicchio, i ka kthyer përgjigje presidentit Ilir Meta për mendimin e kërkuar mbi Kodin Zgjedhor. Përgjigja do të jepet në dhjetor, jo me procedurë urgjente, informon Buquicchio, për vendimin e marrë nga Komisioni i Venecias. Sigurisht që kërkesa është pranuar, por jo me procedurë urgjente.
Letra e plotë
“I nderuar Z. President,
Në përgjigje të letrës tuaj të datës 21 tetor 2020 me të cilën ju kërkoni një mendim urgjent “për procesin e ndryshimit të njëanshëm dhe të përshpejtuar të Kushtetutës dhe kodit zgjedhor të Republikës së Shqipërisë ”, kam nderin t’ju informoj se Byroja e Komisionit ka vendosur, në dritën e kohës së shkurtër të mbetur para seancës së ardhshme plenare dhe të kompleksitetin e çështjes, për të mos autorizuar procedurën urgjente.
Prandaj, mendimi do të përgatitet në procedurën e zakonshme dhe do t’i paraqitet seanca plenare për shqyrtim dhe miratim në dhjetor. Sipas praktikës sonë, ky opinion në parim do të hartohet së bashku me ODIHR.
Shfrytëzoj këtë rast për t’ju falënderuar edhe një herë për besimin tuaj në Komisionin e Venecias.
Juaji me besnikëri,
Gianni Buquicchio”
/GazetaReforma.com/
