VIDEO/ Momenti kur u ekzekutua me raketë ministri i Mbrojtjes në Armeni, si u qëllua...

Konflikti ushtarak mes Armenisë dhe Azerbajxhanit është përshkallëzuar dhe në luftimet e ashpra kanë hyrë në lojë armatime të reja dhe madje të sofistikuara.

Specialistë dhe analistë të sektorit ushtarak kanë treguar se, të dyja palët po furnizohen me armatime të reja nga disa shtete, ku një pjesë e teknologjisë është e fjalës së fundit dhe po testohet pikërisht në këtë konflikt.

Ky konflikt është emërtuar edhe si “lufta e dronëve”, pasi shtete si Turqia, Kina, Serbia, Itrani dhe Rusia po provojnë në konflikt dronet e tyre të prodhuara në vitet e fundit.

Mediat botërore raportojnë se është ekzekutuar me raketë pikërisht nga një dron ministri i Mbrojtjes i rajonit separatist armen të Artsakh-it.

Më poshtë i’u sjellim pamjet me dron, që tregojnë momentet kur qëllohet makina, ku ndodhej ministri.

Bëhet fjalë për rajonin e Nagorni Karabakhut, në të cilin armenët kanë krijuar një republikë të quajtur Artsakh, e cila aktualisht është duke luftuar me forcat azere, për kontrollin e zonës që njihet ndërkombtarisht si pjesë territoriale e Azerbajxhanit.

Makina e Jalal Harutyunyan u qëllua teksa po udhëtonte për në front, prej dronit azer, i cili nga pamjet duket se ka nën kontroll të gjithë situatën.

Pas qëllimit me raketë, duken tre trupa të shtrirë në tokë. Azerët pretendojnë se e kanë vrarë kreun e ushtrisë armene në Azerbajxhan, kurse armenët pretendojnë se ai është plagosur dhe gjendet në spital.