Partitë Popullore në Parlamentin Evropian i kërkojnë Kryeministrit Rama të presë vlerësimin e komisionit të Venecias mbi Kodin Zgjedhor. Zëvendës Presidenti i PPE në Parlamentin Europian, Andrey Kovatchev ka bërë një deklaratë ku mbështet qëndrimin e Komisionerit Oliver Varhelyi, në lidhje me miratimin e Kodit të ri Zgjedhor nga mazhoranca. Ai u shpreh se Parlamenti shqiptar duhet që të presë njëherë opinionin e Venecias, pasi ky duhet që të jetë në përputhje me Kodin Zgjedhor.
“Mbështes qëndrimin e Komisionerit OliverVarhelyi! Kodi Zgjedhor duhet të jetë, në çdo rast, në përputhje me Opinionin e Komisionit të Venecias, pasi do të ishte në favor të demokracisë në Shqipëri. Unë i bëj thirrje Kryeministrit Rama dhe Kuvendit të Shqipërisë që ta respektojnë këtë,” shkruan Kovatchev.
Kodi i ri Zgjedhor prisi marrëveshje e 5 qershorit, sipas opozitës, pasi ka vendosur heqjen e koalicioneve parazgjedhore të partive. Ndërkaq, hapja e listave është e kushtëzuar nga një prag votash që u kërkohet kandidatëve, në mënyrë që të arrijnë të ndryshojnë renditjen që bëjnë kryetarët e partive.
Ndryshimet e Kodit Zgjedhor përcaktuan një rirenditje të listës të ndarë në dy pjesë, në pjesë e parë, bazuar tek vota preferenciale, me një prag brenda listës prej 10 mijë votash.
Sipas këtij Kodi, kryetarët e partive mund të garojnë duke vendosur veten në 4 zona të ndryshme elektorale.
/GazetaReforma.com/
