Ashtu siç edhe është paralajmëruar nga Partia Demokratike do të nisin protestat e mëdha për rrëzimin e qeverisë Rama dhe krijimin e një qeverie kalimtare deri në momentin që do të zhvillohen zgjedhjet.
Ditën e sotme i ftuar në emision “A Shovv”, sekretari i ri i Përgjithshëm i Partisë Demokratike, Gazmend Bardhi, ka zbuluar disa detaje rreth kësaj çështjeje. Duke folur për mbledhjen e kryesisë së kësaj partie,e cila zhvilloi takimin e parë pas konstitituimit, ka thënë se fokusi qëndror ka qenë përgatitja për protestat, por data e nisjes së tyre nuk është vendosur ende.
Sipas Bardhit, kryesia ngarkoi Kolegjin e Kryetarëve për të diskutuar nesër në orën 11.00 për detajet, formën dhe datën e protestës dhe në fund do duhet të dalin me një vendim të qartë se cilat do jenë hapat pasardhës që do të ndërmarrin.
