Janë vënë në pranga dy persona të tjerë, nga operacioni ‘Bye Pass’ në Durrës, që ka të bëjë me arrestimet për shkeljet në ARRSH Durrës.
Pasi ishin shpallur në kërkim, ditën e sotme janë vënë në pranga ndërtuesi Xhevat Vataksi, 62 vjeç, banues në Shkodër, për veprën penale “Dhënia ndihmë për ndërtim të paligjshëm” dhe punonjësja e ARRSH Durrës Aferdita Basha, 48 vjeçe, banuese në Tiranë. Ajo akuzohet për veprën penale “Shpërdorimi i detyrës”. Policia ekzekutoi masat e sigurisë “arrest me burg”, të lëshuara nga Gjykata e Durrësit.
Gjatë javës së kaluar, u arrestuan 3 punonjës nga ARRSH Durrës, për shpërdorim detyre me një leje të dhënë për një karburant, në rrugën Plepa-Kavajë, i cili është ndërtuar dhe ka marrë leje në kundërshtim me ligjin.
Për këtë rast janë kryer hetime ndaj të dyshuarve, specialistë inxhinierë të ARRSH si dhe drejtorëve të drejtorive të ARRSH-së dhe anëtarëve të Këshillit Teknik.
/GazetaReforma.com/
