Ditën e sotme Ministria e Shëndetësisë njoftoi se në vendin tonë është regjistruar një rekord i ri infektimesh pasi janë kryer 1398 testime, nga të cilët kanë rezultuar pozitivë 295 qytetarë të prekur nga virusi SARS-COV2.
Nga këto 10 raste ishin vetëm në qytetin e Beratit ku të infektuar janë mësues, nxënës dhe punonjës të zyrave shtetërore.
Sipas AbcNews të infektuarit me Covid-19 janë:1 mësues te “Bab Duda” 2 nxënës te “Bab Duda” 1 nxënës te “22 Tetori” 1 punonjës i OSHE-së 1 punonjës te Posta, 1 sekretare te Gjykata dhe 1 nxënëse në shkollën Lapardha.
Ndërkohë që nga fillimi i pandemisë e deri më tani në qytetin e Beratit janë regjistruar 202 raste aktive.
Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 47 vjeçar nga Tirana, një 53 vjeçare dhe një 64 vjeçar nga Durrësi, me sëmundje bashkëshoqëruese.
