Një ndër vendet më të goditura nga pandemia e koronavitusit në Europë, Italia, vendosi masa të reja kufizuese në kuadër të parandalimit të përhapjes së sëmundjes. Vendimi i qeverisë italiane vjen pas rritjes së rasteve të të infektuarve dy ditët e fundit.
Kryeministri Giuseppe Conte shpjegoi se masat janë marrë për të “shmangur një mbyllje totale”.
Kryetarët e qyteteve do të kenë fuqi të mbyllin hapësirat publike pas orës 21:00 ashtu si edhe të vendosin për orën e hapjes së restoranteve. Ndërsa numri i njerëzve që do të lejohen të qëndrojnë do të kufizohet dhe numrin e njerëzve të lejuar do të kufizohet.
Conte njoftoi mbrëmjen e së dielës se “nuk mund të humbim kohë, duhet të vendosim masa për të shmangur një izolim total, i cili do ta dëmtonte ekonominë”, duke shtuar se :“Qeveria është këtu, por të gjithë duhet ta bëjnë pjesën e vet”.
Conte theksoi se masat më efektive që mbeten në fuqi janë maska, distanca sociale dhe higjiena.
Ndër masat e reja janë edhe: ndryshimi i mësimit në shkolla, që sipas njoftimit do të inkurajohet mësimi në distancë, restorantet dhe kafetë do të mbyllen në mesnatë, por pas orës 18:00 vetëm shërbimi në tavolinë do të lejohet dhe numri i lejuar do të jetë maksimum gjashtë persona. Konferencat dhe festivalet janë suspenduar, pishinat dhe palestrat do të ndërmarrin masa të reja për të funksionuar.
Këto masa erdhën në fuqi pasi Italia shënoi rekord ditor të rasteve me COVID-19 të dielën, me 11,705 raste. Deri më tani në Itali janë regjistruar 414,000 raste pozitive ndaj covid-19 ndërsa 36,500 pacientë kanë humbur jetën për shkak të virusit.
/GazetaReforma.com/
