Gjykata e Tiranës ka dënuar kryetarin e PD-së, Lulzim Basha për shpifje kundër Taulant Ballës, në lidhje me çështjen e “Toyota Yaris”.
Basha u dënua me 50 mijë lekë gjobë për shpifje ndaj Taulant Ballës. Balla e paditi Bashën për shpifje në qershor të vitit të kaluar, lidhur me deklaratat që ky i fundit bëri në Kuvend se shuma e 3.4 milionë eurove e zbuluar në dy makinat “Toyota Yaris” i përkiste kreut të grupit socialist.
Ndërkohë ka reaguar edhe deputeti socialist i cili tha për mediat se ky është një vendim historik.
“Ne politikanët duhet të kuptojmë që jemi qytetarë e duhet të trajtohemi njëlloj nga gjykata. Vendimi i gjykatës sot është një vendim historik ne duhet të reflektojmë gjatë. I pari që duhet të reflektojë është Lulzim Basha i cili sot është shpallur fajtor dhe duhet të shlyejë dënimin e merituar që sot gjykata dha. I kërkoj PD e Lulzim Bashës të heqë dorë nga kjo politike bajate e bazuar në shpifje.
Basha sot është shpallur fajtor dhe i detyrohet shtetit shqiptar të shlyejë dënimin që sot gjykata dha. “Do i kërkoja Bashës dhe PD-së që të heqin dorë nga kjo politikë bajate e bazuar në shpifje. Ky vendim gjykate të jetë një moment që PD të reflektojë në marrëdhënien ndërinstitucionale që ka qoftë me maxhroancën, qoftë me Kuvendin apo institucionet e tjera”- deklaroi kreu i grupit parlamentar të PS-së, Taulant Balla.
