Krimi i organizuar vazhdon si gjithmonë të jetë një nga problemet kryesore të rendit në Shqipëri. Bandat lajnë hesapet mes tyre, për territore droge apo hakmarrje mes tyre, ndërkohë që vijojnë aktivitetin të pashqetësuar nga policia.
Rasti më i bujshëm ishte edhe shpërthimi me tritol në makinën e Preng Gjinit, në muajin shtator, në një nga zonat më të populluara të Tiranës, në mes të ditës.
E megjithatë, Edi Rama bën krahasim statistikash mbi situatën kriminale, mes viteve 2012-2019.
Në një postim mëngjesin e sotëm, sipas kreut të qeverisë në vitin 2012 kanë ndodhur 126 vrasje, ndërsa në 2019 vetëm 58. Ai thekson më tej se vitet e fundit nuk është rritur kriminaliteti në vend.
/GazetaReforma.com/
