Shqiptarët nuk vënë mend! Edhe pse kanë fituar para nëpër botë me djersë ose me rrezik koke, përsëri kultura për ta ruajtur paranë e tyre është shumë e ulët.
Një sasi e konsiderueshme eurosh janë kapur sot nga policia kufitare në Kakavijë.
Forcat e Policisë Kufitare kanë kontrolluar në vijën e dytë kufitare një 30-vjeçar nga Saranda, teksa po udhëtonte me një automjet drejt Greqisë.
Në çantë atij i janë gjetur një sasi prej 30 mijë eurosh të padeklaruara paraprakisht, çka i ka kushtuar atij ndalimin e menjëhershëm drejt shtetit grek.
Menjëherë janë marrë inspektorët e Krimit Ekonomik në Drejtorinë Vendore të Policisë në Gjirokastër, të cilët po kryejnë veprimet ligjore në këto momente.
Kjo është hera e dytë brenda një jave, që forcat e Policisë së Stacionit Kufitar të Kakavijës, zbulojnë sasi parash të huaja në tentative për të kaluar drejt Greqisë dhe anasjelltas.
/GazetaReforma.com/
