Qyteti i Durrësit dhe disa qytete të tjera në afërsi më të, janë lëkundur nga një tërmet i fortë që ka rënë pak pas mesnate.
Sipas faqes europiane për tërmetet, EMSC, tërmeti ka pasur magnitudë 4.6 dhe ka qenë në thellësi 10 kilometër nga toka, me epiqendër në detin Adriatik.
Lëkundjet janë regjistruar në orën 00.13 minuta me orën lokale të Shqipërisë. Lëkundjet janë ndjerë në Laç, Fushë-Krujë, Manëz, Mamurras, Sukth e Thumanë.
Të shumtë janë banorët që i kanë ndjerë lëkundjet dhe kanë shkruar në faqen e EMSC, disa prej tyre të shqetësuar. “U ndje shum fare ca behet kshu”, shkruan një prej tyre. “Goxha i forte ishte”, ka shkruar një banor tjetër.
“U ndje goxha në Patok, Laç..” “U ndje shumë në Thumanë.” “Shum i fort.” “Shumë i fortë në Durrës.”
Ndërkohë, sipas Ministrisë së Mbrojtjes goditja e parë me magnitudë 4.6 është shoqëruar nga 42 pasgoditje. “Në orën 00:13 eshte regjistruar nje termet me madhesi 4.0 ne det, perballe Gjirit te Lalzit. Eshte pasuar nga 42 pasgoditje, me e madhja 3.5. Nuk raportohen deme”, raporton Ministria.
