Ndërkohë që vazhdon bojkoti i mësimit, kryeministri Edi Rama vendosi të prezantonte sot “Paktin për Universitetin”, në një mbledhje të përbashkët me ministrat e rinj të sapo dekretuar, pedagogët dhe studentët.
Ministrja e re e Arsimit, Besa Shahini, nuk mund të mungonte në këtë takim, ku sqaroi disa nga pyetjet e shkruara në portalin e hapur për studentët.
Ajo prezantoi “Paktin për Universitetin”, i cili është një draft fillestar që është i hapur për çdo mendim e koment të studentëve, por shërben si pikënisje për një dialog gjithëpërfshirës me studentët.
Në draftin e publikuar dallohen 13 pika, ku preken të gjitha shqetësimet e ngritur prej kohësh nga studentët dhe pedagogët.
