Të shtënat me armë zjarri në drejtim të policisë, tronditën dhe frikësuan banorët e Elbasanit.
Policia pas vendosjes së perimetrit të sigurisë, ka rrethuar autorin e ngjarjes, i identifikuar si Lefter Zhidru, 71 vjeç.
Gjatë shkëmbimit të zjarrit me policinë, janë plagosur edhe dy kalimtarë, L. S., 22 vjeç dhe A. K., 21 vjeç, por tashmë jashtë rrezikut për jetën.
Ndërkohë në ndihmë të policisë, janë nisur menjëherë forcat e FNSH dhe të RENEA-s, për të bërë neutralizimin dhe kapjen e 71-vjeçarit që vijon të qëllojë me armë në drejtim të Policisë.
Policia ka zbardhur kronologjinë dhe zanafillën e ngjarjes e cila vijon edhe në këto momente.
Mësohet se e gjitha ka nis në lagjen “11 Nëntori”, rreth orës 13:20 në Elbasan, ku shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.
Njoftimi i Policisë:
Elbasan/Informacion paraprak
Më datë 24.09.2020, rreth orës 13:20, në lagjen “11 Nëntori”, Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.
Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.
Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.
Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë.
Shtetasi Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë.
Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.
