Erion Braçe tashmë mban detyrën e zv.kryeministrit të vendit. Pas betimit të bërë sot në presidencë, Braçe ka qenë i pranishëm në ceremoninë e organizuar nga ish-zv.kryeministrja Senida Mesi në nder të tij.
Mesi e ka mirëpritur kolegun e saj dhe ka bërë një falenderim të veçantë për stafin e saj të ngushtë, prej nga u shrpeh se priten sfida të reja, por që të gjithë duhet të vazhdojnë përpara me të njëjtin bashkëpunim dhe dashamirësi të treguar.
Pas përfundimit të fjalës së Mesit, ka qenë Braçe ai që ka folur, ku ka thënë se ka vështiësi në të folurin nga kjo anë e bulevarit, pra nga ana e kryeministrisë, pasi prej 23 vitesh ka qenë në anën e Parlamentit.
“E kam pak të vështirë të flas nga kjo anë e bulevardit, pasi kam 23 vjet që flas nga ana tjetër dhe për 23 vjet kam parasysh vetëm Parlamentin, por meqë jemi në janar kam parasysh edhe aktivitetin jo vetëm timin, por të gjithë njerëzve të zakonshëm e gjitha është gjatë kohës që kemi qenë në opozitë”, tha zv/kryeministri në nisje të fjalës së tij.
