Greqia po kalon momente vërtetë dramatike paniku të shoqëruara me shkatërrim, si pasojë e ciklonit tropikal që ka goditur brigjet Veriperëndimore të vendit.
Cikloni “Ianos”, i shoqëruar me erëra të forta dhe shira të rrëmbyeshëm ka goditur që mbrëmë rajonet në Kefalonia, Ithaca dhe Zakynthos në gadishullin e Peloponezit në Greqi, që tashmë janë në vorbullën e syrit ciklonik.
“Ka dëme por ato nuk kanë rrezikuar jetën e njerëzve”,- tha së fundmi Zv.ministri i Mbrojtjes Civile, Nikos Hardalias, pas takimit në mëngjes me drejtuesit e shtabit të Mbrojtjes Civile, në lidhje me ecurinë e motit të keq.
“Ne mbetemi në gatishmëri absolute”,- tha nënsekretari i Mbrojtjes Civile dhe Menaxhimit të Krizave, duke paralajmëruar momentin kritik dhe duke deklaruar se, orët e ardhshme do të jenë shumë kritike, shkruan “Kathimerini”.
Sipas Hardalias, priten fenomene të tjera të motit intensiv dhe reshje të mëdha shiu.
Siç përmendi ai, ndërprerjet e energjisë janë regjistruar në Zakynthos, Kefalonia dhe Ithaca, megjithatë, po punohet për ta rikthyer atë.
“Cikloni do të qëndrojë në perëndim për 6-9 orë dhe më pas do të lëvizë në Jug“,- shtoi ai.
Jugu i Greqisë pritet ende të goditet më shumë nga cikloni, teksa erërat dhe shiu që e karakterizon do të arrijë deri në rajonin e Atikës, ku ndodhet kryeqyteti Athina.
Lajmi i mirë është se deri tani grekët janë treguar të kujdesshëm dhe kanë marrë masat pasi asnjë i lënduar nuk është regjistruar nga cikloni dhe forca e tij.
https://www.youtube.com/watch?v=TLoZcPGdFM4&feature=emb_logo&ab_channel=ProtoThema
https://www.youtube.com/watch?v=e2CLUiTEVqo&feature=emb_logo&ab_channel=ProtoThema
https://www.youtube.com/watch?v=LVwULcXMqSM&feature=emb_logo
/GazetaReforma.com/
