Mbrëmjen e kaluar vajza e artistit shqiptar, Robert Aliaj, Gala, ka shkëlqyer dhe na ka bërë të gjithë krenarë në “The Voice Kids” në Belgjikë, ku u shpall fituese e këtij kompeticioni.
15-vjeçarja Gala mahniti jurinë dhe publikun me dy performanca të saj, pasi përveç se ka kënduar edhe ka interpretuar në mënyrë dinjitoze.
Këngët që i dhanë fitoren e merituar janë ‘Goodbye Yellow Brick Road’ nga Elton John dhe ‘Make You Feel My Love’ nga Adele.
Përveç zërit fantastik dhe interpretimit të veçantë mbrëmjen e kaluar, vëmendje tërhoqi edhe unaza e saj patriotike me shqiponjën dykrenare në ngjyrë të zezë. Një detaj ky që u vlerësua shumë nga shqiptarët në të gjithë botën.
Më poshtë janë edhe dy performancat e saj të mrekullueshme që na lanë pa fjalë.
Vetë ajo në një reagim në rrjetet sociale shkruan se nuk mund ta besojë atë që ka ndodhur, teksa edhe babai i saj Robert Aliaj, ka ndarë me ndjekësit këtë gëzim të veçantë.
