Ndërhyrjet në punësimet në administratë padyshim janë pikë e dobët për shumicën e institucioneve në vendin tonë dhe kjo as është minimizuar dhe as është zeruar. Të paktën këto kanë qenë fjalët e Ministres së Drejtësisë Etilda Gjonaj në emisionin “Opinion”.
Gjonaj ka thënë se ky është një fenomen tashmë i njohur, por njëkohësiht edhe ka theksuar se procesi nëpër të cilin kalojnë punonjësit e burgjeve, të realizuar nga ministria që ajo drejton është shembull për 28 vitet e fundit.
Ministria e Drejtësisë megjithatë ka disa kritete të veçanta për vet faktin e delikatesës dhe rëndësisë që ka, megjithatë e pyetur rreth anulimit të konkursit të parë, ajo është përgjigjur:
“Në konkursin e Dhjetorit tentuam të bëjmë një procedurë që kishte të bënte vetëm më burgun e Shkodrës dhe në fillim u anulua, pasi nuk ishte lënë kohë e mjaftueshmne aplikantëve. Më pas është hapur procesi i dytë që kishte të bënte me të gjitha vende vakante ku përfshihej edhe burgu i Shkodrës”.
Një hapësirë e veçantë sigurisht që iu kushtua edhe investigimit të “Zërit të Amerikës” për të cilin ministrja tha se kjo media nuk bën gabim që i nxjerr këto detje, megjithatë do donte që “Zëri i Amerikës” të vinte të kërkonte mendimin e Ministrisë së Drejtësisë për këtë proces, sepse nuk mund të anatemosh një procedurë që është bërë për të patur një konkurs të drejtë.
