Në përditësimin e fundit të Ministrisë së Shëndetësisë në lidhje me situatën e pandemisë në vend u tha se gjatë 24 orëve të fundit në vendin tonë janë kryer 801 testime për vlerësimin e infektimit nga virusi SARS COV2, dhe 112 persona janë konfirmuar pozitivë me COVID-19.
Nga këto vetëm një rast ishte në Gjirokastër dhe ky është nëndrejtori i spitalit rajonal, “Omer Nishani”.Dosja.al ka mësuar se bëhet fjalë për Martin Goricin, i cili ndodhet në gjendje të mirë shëndetësore dhe është vetëkarantinuar në shtëpinë e tij.
Ndërkohë ka filluar edhe hetimi epidemiologjik, duke u testuar të gjithë personat e dyshuar që kanë patur kontakt me nëndrejtorin Gorici.
Që nga fillimi I pandemisë e deri më tani në Gjirokastër kanë humbur jetën nga COVID-19, 3 persona dhe numri i rasteve aktive ka shkuar në 41.
Kujtojmë se në 24 orët e fundit janë shëruar 132 qytetarë dukee çuar numrin e të shëruarve në 4923, që nga fillimi i epidemisë.Aktualisht në spitalin Infektiv dhe “Shefqet Ndroqi” po trajtohen 173 pacientë të konfirmuar pozitivë me COVID-19, 18 në terapi intensive nga të cilët vetëm 8 pacientë janë të intubuar.
