Një tjetër deputet nga radhët e Partisë Socialiste ka rezultuar pozitiv me Covid-19 dhe duket se gjendja e tij shëndetësore nuk është aq e mirë.
AbcNews ka mësuar se deputeti i PS-së në Vlorë Edmond Leka ka rezultuar pozitiv disa ditë më parë.Dhe për shkak të përkeqësimjt të gjendjes shëndetësore, ditën e djeshme ai është shtruar në spitalin Infektiv ku po trajtohet me oksigjen.
Ende nuk dihet sesi do të vijojë gjendja e tij shëndetësore, por na duhet të kujtojmë se deri më tani kolegë të tij dhe jo vetëm janë përballur edhe me përkeqësim të situatës deri në mjekimin e specializuar jashtë vendit.
Kujtojmë se gjatë 24 orëve të fundit pavarësisht përpjekjeve të mjekëve, fatkeqësisht në dy spitalet COVID, nuk e kanë fituar dot betejën me sëmundjen 4 pacintë, një 57 vjeçar nga Vlora dhe tre qytetarë nga Tirana një 68 vjeçar, një 80 vjeçar dhe 82 vjeçar me sëmundje bashkëshoqëruse dhe janë konfirmuar pozitive 155 raste.
