Numri i të infektuarve me Covid-19 në burgun e Peqinit sa vjen e rritet.
Mësohet se në 72 orët e fundit në institucionin e vuajtjes së dënimit të sigurisë së lartë janë konfirmuar pozitivë 15 punonjës. Ndërkohë që pak ditë më parë u lajmërua se ishin infektuar edhe 10 punonjës e dy drejtues burgu.
Një pjesë e madhe e të burgosurve dhe punonjësve janë izoluar dhe presin që të bëjnë tamponin personat e afërt që kanë patur kontakt me të infektuarit.Një pjesë e madhe e stafit të punonjësve të burgut të Peqinit janë futur në karantinë.
Kujtojmë se gjatë 24 orëve të fundit pavarësisht përpjekjeve të mjekëve, fatkeqësisht në dy spitalet COVID, nuk e kanë fituar dot betejën me sëmundjen 4 pacintë, një 57 vjeçar nga Vlora dhe tre qytetarë nga Tirana një 68 vjeçar, një 80 vjeçar dhe 82 vjeçar me sëmundje bashkëshoqëruse dhe janë konfirmuar pozitive 155 raste.
