Një krim në Itali nga dy të rinj shqiptarë nuk mund të kalonte lehtë pa bërë bujë në median italiane.
Mësohet se dy të rinj shqiptarë pasi goditën me grushte një 24-vjeçar italian e përplasën edhe me makinë e më pas u larguan.
I riu italian, 24-vjecari Filippo Limini, nga Spoleto, fillimisht u godit me grusht nga 20-vjecari shqiptar Denis Hajderlliu, dhe më pas me automjet nga Brendon Kosiqi.
Gjykata vendosi që t’i lërë në “arrest shtëpie” të rinjtë, për shkak se në dëshminë e tyre ata kanë thënë, se thjesht donin që të shpëtonin nga agresioni i grupit “Spoleto”. Ndërkaq kanë theksuar se nuk kishin asnjë qëllim ta vrasin italianin.
Për shkak se të rinjtë nuk kishin precedentë të mëparshme penale, gjykata vendosi të tregohej bujare me ta duke i lënë në arrest shtëpie.
